Faseak
Proiektuaren kronologia
Eliza pintatuak
Done Mikelen elizako mural-proiektuak Arabako Lautadako tradizio zahar bat berreskuratu du: eliza pintatuak.
“Bizitzarako margoak” proiektuak interes artistiko handia du bere dimentsio, gai eta faktura artistikoagatik. Horregatik guztiagatik, obra honek bat egiten du arte muralaren estatuko eta nazioarteko erreferente handiekin.
Iragana eta geroa
Proiektuak bi helburu ditu:
Lehenengoak iraganera begiratzen du, eraikina birgaitu eta lehengoratzeko asmoz, hari lotuta bizi izan diren pertsonen oroimenak merezi duen errespetu historikoagatik.
Bigarrenak etorkizunera begiratzen du, gaur egungo behar eta sentsibilitate berrietara egokitzeko, kulturara irekita dagoen topagune gisa, bere adierazpen guztietan: musika, antzerkia, dantza, kultura-topaketak eta abar.
Hala, erreformaren lehen fasea eraikina bera birgaitzeari dagokio, eta 2009tik 2012aren erdi aldera arte iraun zuen. Bigarrena Xabier Egaña artistaren “Bizitzarako margoak” murala diseinatu eta egiteari dagokio, eta 2013tik (bi urte zirriborroak egiten) 2018ko urtarrilera arte iraun zuen, inauguratu zen arte. Inaugurazioan, herritarrak, lagunak, kulturako ordezkariak eta erakunde publikoak (Lehendakaria eta Arabako Diputatu Nagusia) izan ziren.
Kronologia
Azken zirriborroak
Ataria
100m²
Koruko horma
120m²
Hegoaldeko albokoa
128m²
Iparraldeko albokoa + 2 bertikal
150m²
Gurutzadura + 2 alboko
100m²
Arraseko argiztapenaren konponbide perimetrala
Kanpoaldeko jarduketa
Etorkizunean... ganga zaharberritu
Obretan eta irekita
Orain arte, elizaren barrualdea zaharberritzeko eta mural-proiektua gauzatzeko finantzaketa Andetxako Administrazio Batzarrarenkontura joan da, adiskideen, kolaboratzaileen, “obretan eta irekita” ekimeneko bisitarien eta bisita gidatuetako parte-hartzaileen ekarpen boluntarioekin. Teilatua Arabako Foru Aldundiak finantzatu du ondare historikoa kontserbatzeko Elizbarrutiarekin sinatuta duen hitzarmenaren bitartez.
Lan guztiz profesionalak izan ezik (egitura-kalteak eta estalki berria), hormak prestatzea, elementu arkitektonikoak pintatzea, argiztapena, garbiketak, sustapena eta zabalkundea, tailer hezigarriak eta bestelako jarduerak auzolanean egin dira, Euskal Herriko herri txikien nortasun historikoak bereizgarri duen lan komunitario, solidario eta guztiz altruistaren bidez.
Udako kanpainetan (2013-2018) muralak egiten ziren bitartean, Andetxako eliza Xabier Egañarekin elkartzeko, hitz egiteko eta ideiak eta kezkak trukatzeko tokia izan zen, beti prest baitzegoen proiektua partekatzeko eta herriko bizitzan murgiltzeko. “Obretan eta irekita” ekimenak (Gasteizko Santa Maria Katedrala Fundazioak eslogana berrerabiltzeko baimena eman zuen eskuzabaltasunez) uda oro aukera ematen zuen muralaren proiektua sortzeko prozesua zuzenean ikusteko.
Lan-denboraldi bakoitzaren amaieran, laburbiltze- eta jai-ekitaldi baten bidez (“Obretan eta berriro irekita”), dei egiten zien auzotarrei, lagunei eta artearen eta kulturaren arloko ordezkariei, fase bakoitzean egindakoaren berri emateko eta hurrengoa iragartzeko, laguntzak jasotzen jarraitzeko eta proiektuaren ilusioari eusteko.
Informazio gehiago biltzeko, kontsultatu “Bizitzarako margoak, proiektu dinamizatzailea”.
